Çai son venguts los dròlles d’a Neuviala

 

Çai son venguts los dròlles d'a Neuviala

Çai l'an menat lo vaslet de Fauria

Çai l'an menat aqueu tant gentie masle

Çai l'an menat lo mielh coifat d'Orlhac


Se'n pren, s'en vai, s'en vai a Chamboliva

Fiera dei Lonsac querre una blauda

La faguet far a la novela mòda

En far lo torn bordada de velors

 

'Gacha me bian o ma mia Marieta

'Gacha me bian se ma blauda vai bian

Te vai pas bian segur mon paubre Piare

Se me cresias la tornarias chamjar

 

Se'n pren, s'en vai, se'n entorna a la fiera

Fiera au Lonsac per chamjar sa blauda

Li fai botar d'aquelhs botons d'escalha

Gentes ribans per las filhas d'a Sarran

En tot arcar lo randal de La Chiesa

La fai estissar la pòrta petassar

Petassa-la ò ma mia Marieta

Petassa-la quò te serà paiat

 

Ieu n'ai cinq sòus au fons de ma borseta

Mai beleu mai ieu te los donarai

Se quò es pas pron ò ma mia Marieta

Sei brave enfant nautres nos 'dobarem

Pòde pas trabalhar lo diluns

   

Pòde pas trabalhar lo diluns

Aquò fai chantar lo cocut

 

Bevem un còp bevem ne'n dos

A la santat de beure dau vin

Bevem un còp bevem ne'n dos

A la santat dau amoros

Pòde pas trabalhar lo dimars

Quò es lo congier de mon chaval

 

Pòde pas trabalhar lo dimecres

Aquò contranhariá mon mestre

 

Pòde pas trabalhar lo dijòus

Aquò me grata dins mos piaus

 

Pòde pas trabalhar lo divendres

Quò me dòl dins lo costat drech

 

Pòde pas trabalhar lo dissabte

Me sei cassat lo pitit det

 

E lo dimenche ?…

Me pause en anar beure mon car

 

Ivon