Las pomas de terra

"Las pomas de terra" es una chançon composada a la fin dau secle XVIII per Arnan de la Granaria d'a costat d'Usercha (19) dins la sega de la soa promocion per Turgot (eran sojmetudas a las talhas au descontre de las chastanhas culhidas ;).

"Las pomas de terra"

Las pomas de terra

Los uns chanten lors mestressas

Los autres chanten la botelha

Los pestres chanten la messa

Los vinherons chanten la trelha

D'autres un pauc pus fins que ieu

Chanten las armadas la guerra

Mas ieu ne monte pas tan naut

Ieu chante las pomas de terra

Autres còp dins queste pais

Ne crenhaven fòrt la diseta

Sabian pas de que se nurrir

Ni ente se balha de la testa

Mai quand lo blat venian manquar

Ilhs ne fasian pas bona chiera

Ne podian pas los mainatjar

N'avian pas de pomas de terra

Aura que tot lo monde n'a

Dins las vilas dins la campanha

Aura degun pòt s'estonar

Pas mai aici qu'a la montanha

Lo comerça ne'n vai mas meilh

Los paisans los borges prospera

Los pitits los jòunes los viehs

Tots mingen las pomas de terra

Dins lo forn mai dins lo topin

Dins clòcha ò ben dins la pela

Dins un ragot dins un rostis

O ben a la sauça novela

Dins lo pan mai dins las crespas

N'i a que la boten ben d'enguera

Enfin a totas las sauças

L' òm minja las pomas de terra

"Chansons populaires et bourrées du Limousin"

François Celor (Roche-Brive-1904)

Ivon