Repertòri d'Ivon

18 mai 2006

REPERTÒRI d’Ivon Balès

Uechanta cinq danças chantadas acompanhadas au Violon o au Clapeton

1) BORRÉIA

· Çai son venguts los dròlles d’a Neuviala

Çai son venguts los dròlles d'a Neuviala

Çai an menat lo vaslet d'a Fauria

Çai l'an menat aquilh fier crasne masle

Lo mielh parat de tot lo borg d'Orlhac

Se pren, s'en vai, s'en vai a Chamboliva

Fiera au Lonsac querre una blauda

La faguet far a la novela mòda

En far lo torn bordada de velors

'Gacha me bian o ma mia Marieta

'Gacha me bian se ma blauda vai bian

Te vai pas bian segur mon paubre Piare

Se me cresias la tornarias chamnhar

Se pren, s'en vai, se'n entorna a la fiera

Fiera au Lonsac chamnhar sa blauda

Li fai botar d'aquelhs botons d'escalha

Gentes ribans per las filhas d'a Sarran

En tot arcar lo randal de La Chiesa

La fai estissar la pòrta petassar

Petassa-la ò ma mia Marieta

Petassa-la quò te serà paiat

Ieu n'ai cinq sòus au fons de ma borseta

Mai beleu mai ieu te los donarai

Se quò es pas pron ò ma mia Marieta

Sei brave enfant nautres nos 'dobarem

· Puei de chantar

Puei de chantar m’es pres talent

Farai un vers, donc sei dolent

Mai non serai obediens

En Peitau ni en Lemosin

Quaura me’n irai en eisilh

En granda paur, en grand perilh

En guerra laissarai mon filh

E faran li mal sos vesins

Lo despartir m’es aitant greu

Del senhoratge de Peiteu

En garda laiss’Folcon d’Angeu

Tota la terr’e son cosin

Si Folcon d’Angeu no’l socor

E’l rei de qui ieu ten’m’onor

Faran li mau tots los plusors

Felon gascons e angevins

Si ben non es sabi ni pros

Quant ieu serai partit de vos

Viatz l’auran tornat en jos

Car lo veiran jov’e mesquin

Per mercès prej’mon companhon

S’anc li fit tòrt, qu’el m’o perdon’

E ieu prej’en Jesus del Tron

En roman e en son latin

De proesa e de joi fui

Mas aura partem ambedui

E ieu irai m’en a celui

Ont tots pechadors troban fin

Molt ai estat coindes e gai

Mas Nostre Senher no’l vòl mai

Aur’non pòsc pus sufrir lo fai

Tant sei aprochat de la fin

Tot ai guerpit quant amar suelh

Cavalaria e orguelh

E pòsc Diu platz, tot zo acuelh

E prej’li que’m reteng’amb si

Tot mos amics prej’a la mòrt

Que vengan tots e m’onren fòrt

Qu’ieu ai agut joi e despòrt

Luenh e pres e en mon aisin

Aici guerpisc joi e despòrt

E var e gris, e sembelin

· Avau dins lo Lemosin

Avau dins lo Lemoisn petiòta

Avau dins lo Lemosin

Se n’i a de gentas dròlas òc ben òc ben

Se n’i a de gentas dròllas

Aici tanben

Galant tant fièras que son

La dròllas de ton país

Los nòstres fringaires en Lemosin

Sabon melhor contar floreta ben

· Non pòsc sofrir qu’a la dolor

Non pòsc sofrir qu’a la dolor

De las dents, la lenga non vir’

E’l còr a la novella flor

Lanquand vei los ramels florir

E’l chants son pel boscatge

Dels aucelets enamorats

Et si tot m’estauc apensats

Ni pres per malauratges

Quand vei champs e vergiers e prats

Mi renovella mos solatz

Qu’ieu non m’esfòrç d’autre labour

Mas de chantar e d’esjauvir

Qu’una nuech somnava en pascor

Tal som qui me fetz esbaudir

D’un esparvier ramatge

Que s’era sus mon ponh pausat

E si’m semblava adomenjat

Anc non vi tant salvatge

Mas puie fon manier e privat

E de bon gèts apreisonat

El som contei a mon senhor

Qu’a son amic lo deù òm dir’

E narret lo’m tot en amor

E ditz que ja no’m pòt falhir

Que d’outra mon paratge

Non m’aia tal amig’en patz

Quand pro mi serai trabalhat

Qu’anc òm de mon linhatge

Ni d’outa ma valor assat

Non amet tal ni’n fut amat

Ara n’ai vergonha e paur

E’m n’esvelh, e’n planh’e sospir

E lo som tenh ma grand’ falor

E non cuj' ja puesc’avenir

Però del fat coratge

Non pòt partir un rich pensas

Orguelhos e desmesurat

Qu’après nòstre passatge

Sai que lo som sera vertat

Aissi drech com’me fon narrat

E puei ausiretz chantador

E chançons anar e venir

Qu’ara, quand ren non sai m’ausor

Mi vuelh un pauc pus enardir

D’enviar mon messatge

Que parle de nòstras amistats

Que çai n’es faidit la meitat

Mas de’lei non ai gatge

Però ja non er’achabat

Nul far, s’ans non es commençat

Qu’ieu ai vist commençada tor

D’una sola peira bastir

A chada pauc pujar auçor

Tant tro que la pòt òm garnir

Per qu’ieu prenc vassalatge

D’aitan e si m’o conselhatz

Que’l vers puei er ben assonat

Farai metre’l viatge

Si tròb’qui lai lo’m guid viatz

Amb que’s desport e’s don solat

E ieu m’ais ves emperador

Ni ves rei vauc si’l vol grazir

Tot aissi com’a son trachor

Que no’l sap ni no’l pòt gandir

Mi manc tener ostage

Lai en uns dels estranhs renhats

Qu’aissi serai justiciat

E mes en grand damnatge

Si’l seu gent còrs grail e dolgat

M’es estranh ni m’estai irat

E vos entendetz e veiratz

Que sabetz mon lengatge

Quora que fasei mots serrats

S’ara los ai ben esclairats

E sei m’en prim esforçat

Qu’entendan quala chançon ieu fai

· Fai anar pitiòta

Fai anar pitiòta

Fai anar ton violon

Ton violon ta violoneta

Ton violon que vai plan

· S’i a mas los faures qu’aman lo vin

S'ia mas los faures qu'amon lo vin petiòta

S'i a mas los faures qu'amon lo vin

Ieu sei pas faure, Ieu sei pas faure,

Ieu sei pas faure, mas l'ame bin

· Onte es passat l’ivern d’antan

Onte es passat l’ivern d’antan

Que nos menava la civada

La civada e lo chanabau lo chanabau

Un pauc de vin qu’era tant bon

Dija garçon qu’amariá mielh

Una botelha o una filha

Una boteha a mon costat a mon costat

Quand auriá set

Ieu la beuriá

Una filha donna de penas

De las penas la nuech lo jorn

De las penas la nuech lo jorn la nuech lo jorn

Jamai lo còr n’a de sejorn

· Cosin Joanton

Cosin Joanton presta me ta charreta

Tos quatre buòus per anar querre un uòu

Quand lai fuguet n'i aguet una charrada

Quand fuguet cuech n'i aguet un plen culhier

N’ai mas cinq sòus ma mia n’a que quatre

Coma farem quand nos maridarem

Ne’n chaptarem un topin una escudela

Un culheron e minjarem tots dos

Dijas Joanton coma te fai ta femna

Ieu te dirai coma me fai la mia

Me fai banard tres còps dins la setmana

E lo diumenc me fai enquera mai

· Quand los cornards d’a Tula

Quand los cornards d'a Tula seran tots assemblats

Prendràn de la Barriera d'aiciá lo País Bas

Fai lo cornard , ma filha ton paire l'era ben

'Chabatz, 'chabatz ma maire quò fai beu temps que l'es.

· Per grazir la bona estrena (son : Passant sus la planqueta)

Per grazir la bon’estrena

D’amor qu’m ten en chapdel

E per aleujar ma pena

Vuelh far alb’amb son novel

La nuech vai clar’e serena

E aug lo chant d’un ausel

En que mon mal se refrena

Donc quer’ lo jorn e apel’

Dieu qual esnuech

Me fai la nuech

Per qu’ieu desir’l’alba

Qu’ieu vos jur’pels Evangelis

Qu’anc Andrieu de Paris

Floris, Tristan ni Amelis

Non foron d’amor tant fis

Dempuei mon Còr dei N’Elis

Un Pater Noster non dis

Ans qu’ieu disses’ “ in coelis

Fos amb ‘lei mon esperis

En mar, en plana ni en ròcha

Non pòsc ad’amor gandir

Mas non creirai gent badòcha

Que’m fasson de ‘lei partir

Qu’aici’m puenh al còr e’m tòcha

E’m tòlc manjar e dormir

Que s’ieu era en Antiòcha

Ieu voldri’amb ‘lei morir

Amor, ieu saupriá genh tendre

O penre ors o laupart

O per far fòrt chastel rendre

Mas vers vos non trob’nul art

Ni no’m plai amb vos contendre

Qu’aici ‘quo n’ai major part

Sei plus volpilh al defendre

E n’ai mil tant de regard

· Ma maire aviá mas ‘na lenga

Ma maire aviá mas ‘na lenga

Que damenava quand fasiá vent

L’escòla a còps de baston

Emb la tenalha li desraijet tot

Mon paire aviá mas ‘na lenga

Que damenava quand fasiá vent

L’escòla a còps de baston

Emb la tenalha li desraijet tot

· E para lo lop pitiòta

E para lo lop pitiòta

Para lo lop

Para lo lop que t’empòrta que t’empòrta

Para lo lop que t’empòrta l’anhelon

Quò es pas lo lop pitiòta

Quò es pas lo lop

Quò es queu tesson que te barra que te barra

Quò es queu tesson que te barra lo clapeton

Quò es pas lo lop pitiòta

Quò es pas lo lop

Quò es la lei Tobon que te barra que te barra

Quò es la lei Tobon que te barra lo clapeton

Quò es pas lo lop pitiòta

Quò pas lo lop

Quò es l’aticle 2 que te barra que te barra

Quò es l’article 2 que te barra lo clapeton

Quò es pas lo lop pitiòta

Quò pas lo lop

Quò es lo Jacon que te barra que te barra

Quò es lo Jacon que te barra lo clapeton

· O calha genta calha

Ò calha, genta calha

Ont as ton niu ?

Aval dins la pradela

Lo long dau riu

Ò calha, genta calha

De qu'es bastit ?

De finas ròsas blanchas

De romanin

Ò calha, genta calha

Que i a dedins

Daus uòus coma los autres

Mas pus pitits

Ò calha, genta calha

Coma son-t-ilhs ?

Blancs coma nivolada

Blus coma lin

Ò calha, genta calha

Son aborius ?

N'i a tres pitiòts plan gentes

Mai un cacha-niu

Ò calha, genta calha

Coma fon-t-ilhs ?

Los tres que me becòtan

L'autre fai piu-piu

Ò calha, genta calha

Quau te nuris ?

Tres bravas domaiselas

De mon país

L'una me pòrta l'aiga

L'autra lo vin

L'autra una chançoneta

Per m'endurmir

· Los Auvernhats an ben la barba dura

Los Auvernhats an ben la barba dura

Los Lemosins la lor farián ben

La lor farián sens sabon e sens aiga

Sens lo platon e sens lo rasador

· Rei gloriós

Rei glorios, verai lum e clàrdat

Dieu poderos, senhor, si a vos platz

Al meu companh, siatz fidel’adjuda

Qu’ieu non lo vitz, puie la nuech fon venguda

E adès sera l’alba

Bel companhon, si dormetz o veilhatz

Non dormetz pus, suau vos ressidatz

Qu’en Orient vei l’estela creguda

Qu’amena’l jorn,qu’ieu l’ai ben coneguda

E adès sera l’alba

Bel companhon, eissetz al fenestral

E regardatz las ensenhas del cial

Coneissaretz si us sei fidel messatge

Si non zo faitz, vòstres n’aur’lo damnatge

E adès sera l’alba

Bel companhon, puei me parti de vos

Ieu no’m durmi, ni’m mòc d’a janolhos

Ans prejei Diu lo Filh, Senta Maria

Que vos rendetz per leial companhia

E adès sera l’alba

Bel companhon, la fòras al peiron

Me prejavatz qu’ieu non fos dormilhos

En ans velhès' tota nuech trò al dia

Aura non vos platz mos chants ni ma paria compagnie

E adès sera l’alba

Bel doç companh, tant sei en rich’ sejorn

Qu’ieu non voldria mai fos alba ni jorn

Car la gençor que anc nasquès de maire

Tenc e abras per qu’ieu non prese gaire

Lo fòl gelòs ni l’alba

· Quand la pastora se’n vai aus champs

Quand la pastora se’n vai aus champs

Garda sa moltonada tidera la la la la la la lai

Garda sa moltonada

Ela rescontra un monsuret

Ieu ne’n sei maridada

Amb un bargier d’aquel endrech

Longtemps m’a cortejada

Ò ! laissatz me vos regardar

Setz una genta dròlla

Estachatz vòstre destrier

Au pè d’aqueste aubre

Estendetz vòstre mantolet

Sus la frescha rosada

E la perdic quand la teniá

Ela se’n es anada

2) VALSAS

· Tantòst tantòst vendrà la prima

Tantòst tantòst vendrà la prima

E mai lo polit mes de mai

Lo rossinhòu ven d’arribar

Dins lo boscatge

E de tant leu que l’ai auvit

M’a rejauvit m’a rejauvit

Lo mes de mai florit e grana

Chada boton aurà a flor

Ont es passat dins lo país

Lo dòlç langatge

La lenga d’aur dei trobadors

Lo lemosin en Lemosin

Ò ! rossinhòu pren ta volada

Vers lo chastel de Ventadorn

Ò ! chanta chanta genta lauveta

Vers lo solelh

La lenga d’amor dei trobadors

Lo lemosin en Lemosin

Ò ! ten te fier pòple de l’aubre

Tòrna trobar ta dinhitat

Tòrna parlar per resistar

Lo dòlç langatge

La lenga d’aur dei trobadors

Qu’es l’occitan en Lemoisn

· Un cavalier aicí jasiá (son : Tot en me permenar)

Un cavalier ci jasia

Amb la res que plus volia

Sovent baisant li disia

- Doça res, ieu que farai

Que’l jorn ven e la nuech vai

Ai !

Qu’ieu aug’que la gaita cria

“Via ! Sus ! Qu’ieu vei lo jorn

Venir apres l’alba”

Dolça res, s’esser podia

Que jamai alba ni dia

Non fos, grand merces seria

Al mens al luec ont estai

Fis amic, amb ço que’l plai

Ai !

Qu’ieu aug’que la gaita cria :

“Via ! Sus ! Qu’ieu vei lo jorn

Venir apres l’alba”

Dolça res, Que qu’om vos dia

Non cres’ que tal dolor sia

Com’ qui part amic d’amia

Qu’ieu per me meseis zo sai

Ailas ! Quant paucha nuech fai !

Ai !

Qu’ieu aug’que la gaita cria :

“Via ! Sus ! Qu’ieu vei lo jorn

Venir apres l’alba”

Dolça res, ieu tenc ma via

Vòstre sei, ont que ieu sia

Per Dieu, non m'oblidetz mia

Que'l còr del còrs reman çai

Ni de vos mas no'm partrai

Ai !

Qu’ieu aug’que la gaita cria :

“Via ! Sus ! Qu’ieu vei lo jorn

Venir apres l’alba”

Dolça res, s’ieu no’os vesia

Vraiment cresiatz que moria

Que’l grand desir m’auciria

Perqu’ieu tòst retornarai

Que sens vos, vita non ai

Ai !

Qu’ieu aug’que la gaita cria :

“Via ! Sus ! Qu’ieu vei lo jorn

Venir apres l’alba”

· Los manigans

Eron dos los ai vist passat

Fasiam bateusa lendeman

Aviá l’escura a boissar

Eron dos se tenián las mans

Los ai visats pas coneguts

Z’avián botats ieu zo viguei

Dins la maison dau vielh Trauques

Sabetz debas darrier lo plais

La maison qu’a pas de vargier

N’a saupre si z’avián fermat

Se aviá ‘na barba rossa

Que li barrava los dos ueilhs

Se coichava dins lo fossat

Se fasiá cueire au solelh

Se pialava coma una serp

Ela aitau pita quiquí

Emb daus grands piaus d’aiçanta au cuòu

Daus tetins gròs coma daus grilhs

De las jarras de sensilhon

Tant blancha coma una pelha

Nautres mediam lo blat negre

Ne’n fasiam un pauc dins quilhs temps

Ilhs se permenavan de vrai

Tota la jornada sovent

Me demande de que vivian

Lo còp que la Piá vedelet

En tut surtir de l’estable

Era doas oras mai beleu mai

Viguei lor clarda dins la nuech

Sabetz quora anavan durmir

Çò que pareis Piaron zo ditz

Òm es pas messongier segur

Los auviguet pitit matin

Que bufavan darrier lo mur

Que fasián-t-ilhs avant solelh

Mas tenetz vòstres ben daus jorns

Nautres tornavam marendar

N’ora qu’aviá tustat miegjorn

Lors contravents eran barrats

Quand mesma quò es pas de vita

Se’n aneren per la Totsents

Ieu chaçave dins lo denaut

Fasiá freg d’ivern fasiá vent

Visave se boirar lors piaus

Los ai pus vist dempuei queu temps

Dins la maison dau vielh Trauques

Quò l’i fai pus clarda la nuech

Quò l’i pleu manca daus teules

La charriera es sus lo balelh

Los manigans l’i vendran pus

· Tu te’n vas de per los bòscs

Tu te’n vas de per los bòscs

Lo matin a la levada

E tu as pas paur dei lops

Bela prenetz ben garda

E tu as pas paur dei lops

Bela en gardar tos moltons

Non monsur ieu ai pas paur

Ieu ne’n sei tant ben gardarda

Ai mon chen per los meschants

Monsur prenetz ben garda

Me paròia ben dau lop

Monsur e mesma de vos

Escotatz bela Fanchon

Permetetz que ieu vos ame

Vos n’auriatz per vos diumenc

Una rauba de seda

E quela de tots los jorns

Siriá bela de velors

Quand quela de tots los jorns

Ne’n siriá pura dentela

Ieu ame mai mon bargier

Qu’es lo filh d’un paubre òme

Que non pas tots queus richars

Que ne pensan mas ei mal

Mas lo meu fai pas aitau

Quand ieu pure me consòle

Me ditz ven’atí Fanchon

Ven’atí dins lo caire

Te botarai sus mos genolhs

Atí parlarem d’amor

· La Liaunarda

Dempuei uech jorns

Nòstra paucha es malauda

Quò es l’embonilh que la fai tant sufrir

N’am fach venir un medecin d’a Ròma

Quò es se qu’a dich

Se vòles la garir

Maniatz-lo li brejatz-lo li

Son embonilh de la tanta Liaunarda

Maniatz-lo li brejatz-lo li

Son embonilh de la tati Nardi

· Quand lo pastor vai deslarjar

Quand lo pastor vai deslarjar

Se’n vai trobar Joaneta lon là

Se’n vai trobar Joaneta

Joaneta ont anirem gardar

Per passar una oreta

Aval aval au prat sarrat

L’erba l’i es tan frescha

Mas quand fuguet au prat sarrat

L’erba fuguet molhada

Lo pastronet pren son mantel

Per far sietar Joaneta

De que dirai au meu papá

De que dirai a la mia mamá

D’esser tant demorada

Mas li diras au teu papá

Mas li diras a la toa mamá

Que lo lop t’enrodava

Que sens un brave pastoreu

Lo lop t’auriá minjada

· Jos lo pont d’a Briva

Sus lo pont d'a Briva

N'i a de blanchas flors

Las blanchas las rojas

De totas colors

Mas si l'i passava

Ieu ne'n culhiriá

A la mia minharda

Li ne'n portariá

Baissa-te montanha

Leva-te valon

M’empaichatz de veire

La miá Janeton

L’ai ben tant cerchada

Boisson per boisson

Que ieu l’ai trobada

Coma los garçons

S’ela se marida

Sabe que farai

‘nirai a la guerra

Puei ne’n tornarai

· Lo temps vai e ven e vire (son : Dins la ribeira d’a Seilhac)

Lo temps vai e ven e vire

Per jorns, per mes e per ans

E ieu, las ! No’n sai que dire

Qu’ades es un mon talant

Ades es un e no’s muda

Qu’una volh e’n ai volguda

Dont anc non ai jauviment

Puei ela no’n per lo rire

A me’n ven e dol e dam

Qu’a tal jòc m’a fach assire

Dont ai lo pejor dos tant

Qu’aital amor es perduda

Qu’es d’una part mantenguda

Trò que fai accordament

Ben deuria esser blasmaire

De me mesei a rason

Qu’anc non nasquet cel de maire

Que tant servis’ en perdon

E s’ela non me ‘n chastia

Ades doblara’lh folia

Que “ fol non tem’ trò que pren ”

Jamai non serai chantaire

Ni de l’escòla N’Eblon

Que mos chantars no’m vol gaire

Ni mas voutas ni mos sons

Ni res qu’ieu fassa ni dia

Non conosc que pron me sia

Ni no’i vai melhurament

Si tot fass’ de joi par vença

Molt ai dins lo còr irat

Qui vis anc mai penedança

Faire denant lo pechat ?

Ont plus la pres’, plus m’es dura

Mas si’n breu temps no’s melhura

Vengut er’ al partiment

Però ben es qu’ela’m vença

A tota sa volontat

Que, s’el’a tort o bistença

Ades n’aura pietat

Que ço mòstra l’Escritura

Causa de bon’aventura

Val un sol jorn mai de cent

Ja no’m partrai a ma vida

Tant coma sia sal ni san

que puei l’arma n’es eissida

Balaia longtemps lo gran

E si tòst non s’es cochada

Ja per me no’n es blasmada

Sol d’ieu adenan s’esmend

Ai ! Bon’amor encobida

Còrs ben fach, delgat e plan

Frescha chara colorida

Que Dieu formet amb sas mans

Tot temps vos ai desirada

Que res autras non m’agrada

Autra amor non volh nient

Doça res ben ensenhada

Cel qu’os a tant gent formada

Me’n don cel jòi qu’ieu atend

· Lo turlututu

L’autre jorn ieu me permenave

Tot lo long del turlututu

Tot lo long del laringuí laringuèta

Tot lo long del buisson

Ne’n rescontrei una bargierona

Que gardava sos moltons

E ieu me sei apreimat d’ela

Per li parlar d’amor

Non non monsur çò ditz la bela

Vos setz pas mon bargier

Lo meu a pas la brajas rojas

Ni l’espasa el costat

Mon bargier pòrta una chabreta

Quò es per me far dançar

· Penequet

Dins ton fautuelh, bòna menina

Barrant teis iues, clinant l‘esquina

Quau saup pasmens , se en sordina

Te redises, sensa fenir

Ta litania, l‘avenir

Dei sovenirs...

Leis sovenirs de ton enfança

Dau passat son la remenbrança

Fan un eissam que vai en dança

Te carrejant un gost de mèu

Revenent coma leis auceus

Au blau dau cèu

Escolana, te veses blonda

Ambe ta companha Ramonda

Risenta, viva dins la ronda

Ton cabeu ribanat de verd

Fredonejant, còr plen d‘esper

Leis bèus vielhs èrs

A l‘escòla ò davans la glèisa

Vanegant, botant la peresa

Vint primtemps, jamai de solesa

Dins un virat d‘uelh poderós

Prometes de lo rendre uròs

Ton amoròs

Maridatge e siás ta mestressa

Lo temps fugis, quenta vitessa

Quant de dimenches, quant de messas

La vida es bèla, plena d‘alant

Pichòt ven grand ; mai leis enfants

Un jorn se'n van...

Leis penas e dòus t‘an assalhida

Ara ton èime leis oblida

Risoleges dins ta dormida

Nonanta ans v-uei, gracias a Dieu

Jovença e vida, au paire, au fieu

Dison : Adieu

· L’estacha

Lo vielh Jasep me parlava

De bon matin au portau,

E lo solelh esperàvem

Los carris en veser passar.

Jasep, non veses l’estacha

Que li sem tots ligats,

Se podem pas se'n desfaire,

Jamai podrem chaminar.

Se tirem totas vai tombar,

Gaire de temps quò pòt durar :

Segur que tomba, tomba, tomba,

Ben cussonada es desjà.

Se tu, la tiras fòrt d’aquí

E ieu, la tire fòrt d’ailà,

Segur que tomba, tomba, tomba,

Se ne'n podrem desliurar.

Pasmens fai fòrça temps aura

Que se'n escorgem las mans,

E quand la fòrça me laissa

Mai bela e larja ela ven.

De tot segur qu’es puirida

Pasmens Jasep pesa tant,

De còps la fòrça m’oblida,

Tòrna-me dire ton chant.

Lo vielh Jasep que se planta,

Un mau vent que se l’emportet

Quau saup ont' es anat

E ieu sol jos lo portau,

E quand passan d’autres dròlles,

Leve lo chap per chantar

Lo darrier chant dau vielh Jasep,

Lo darrier que m’ensenhet.

3) MAZURCA

· Salut cortés (son : masurca dau Lanternaire)

M'aviatz damandar de venir

Pòde pas achabar d'entrar

L'esmai m'empaicha de parlar

Desjà pense de me'n anar

E vos dise mon adieu-siatz

M'aviatz damandar de venir

Emb plaser corguei d'aiciá 'quí

Aura ben me'n tòrne a leser

Per vos laissar tot lo plaser

De me tornar leu divertir

M'avias damandat de tornar

Mas per què far ? Zo sabes pas ?

Quand zo saubras, zo me diras

Gaire de temps pòde esperar

Al reveire, pòrta-te plan

· Mazurca sota leis pins

Venetz que l’ora s’avança

Es festa au mas d’Escanin

La masurcà genta dança

L’a farem sota lei pins

Galantis chatonas

Amoros jovents

La ròsa botona

Ansin nos conven

Au jorn d’uei qu’es festa

Anem la culhir

Qu’en dança modesta

Devem trefolir

Lo beu musicaire

Ben estigançat

Fau que tarda gaire

Deuriá comencar

Devers lei Alpilhas

Vètz lo tamborin

Aquò nos revilha

E vos met en trin

La dança finida

Vendrem a parèu

Dedins la bastida

Sota lo casteu

En rejoissança

Beurem lo muscat

Per la sovenança

De la masurcà

· Tant ai mon cor plen de joia

Tant ai mon cor plen de joia

Tot me desnatura

Flor blancha,vermelh’e bloia

Me par’la frejura

Qu’amb lo vent e amb la ploia

Me creis l’aventura

Per que mon chant monte e poia

E mon pretz melhora

Tant ai au cor d’amor

De joi e de doçor

Que lo giau me sembla flor

E la neu verdura

Anar posc sens vestidura

Nu, en ma chamisa

Que fin’amor m’assegura

De la freja bisa

E no’s ten de guisa

Per qu’ieu ai pres de mi cura

Dempueis qu’ai enquisa

La pus bela d’amor

D’ont attens tant d’onor

Car en luec de sa richor

Non volh aver Pisa

De s’amistat me recisa

Mas ben n’ai fiança

Que sival ieu n’ai conquisa

La bela semblança

E ai n’en a ma devisa

Tant de benanança

Que ja’l jorn que l’aurai visa

Non aurai pesança

Mon cor ai pres d’amor

Que l’esperit lai cor

Mas lo cors es çai alhor

Luenh de ‘lei en França

Ieu n’ai la bon’esperança

Mas petit m’aonda

Qu’atressi’m ten en balança

Com’la nau en l’onda

Del mal pes que’m desenança

Non sai ont m’esconda

Tota nuech me vir’e’m lança

De subre l’esponda

Pus trac pena d’amor

Que Tristan l’amador

Que’n sufrit manta dolor

Per Iseut la blonda

Ai Diu ! Car non sei ironda

Que voles’per l’aire

Que vengues’ de nuech prionda

Lai, dins son repaire

Bona dòmna jauvionda

Mòr’ se’l vòstr’amaire

Paur ai que’l còr me fonda

S’aiçò’m dure gaire

Dòmna, per vostr’amor

Jonh las mans e ador

Gent còrs amb frescha color

Grand mal me fatz traire

Qu’ al mond’non a nul afaire

D’ont ieu tant consire

Quand de’lei aug ren retraire

Que mon còr non i vire

E mon semblant no’m s’esclaire

Que que’m n’aujatz dire

Si qu’adès vos es vejaire

Qu’ai talent de rire

Tant l’am’de bon’amor

Que mantas vetz en plor

Per ço que melhor sabor

Me’n an los sospires

Messatgier, vai e cor

E di’m a la gensor

La pena e la dolor

Que’n trac e’l martire

· Parla-mi

Parla-mi conta-mi

De que soscas grand paire

Conta-mi parla-mi

De ton país

E lo grand paire

Canturleja son conte

L’enfant dins sos braces

S’es tot acoconit

Per trobar mon país

Cercas pas dins la carta

Lo camin per i anar

Es pas marcat

E per frontiera

I a pas que la musica

D’una lenga vielha

Que se vòl pas calar

Mon vilatge es aquí

A la cima del causse

Lo solelh de julhet

Caufa l’adrech

Dins la devesa

I a lo tropel que paissa

A l’ombra del fraissa

Lo pastre es assetat

Mon ostal es aquí

Bastit de gròssas peiras

Un clapas que ten cald

Val mai qu’un nis

Dins lo canyton

Lo fuòc de lenha esclaire

Enfant e grand paire

Que se son endurmits

· Se chanta

Dejos ma fenestra

I a un auselon

Tota la nuech chanta

Chanta sa chançon

Se chanta que chante

Chanta pas per ieu

Chanta per ma mia

Qu’es lai-lonh de ieu

Aquelas montanhas

Que tant nautas son

M’empaichon de veire

Mas amors ont son

Nautas ben son nautas

Mas s’abaissaran

E mas amoretas

Vers ieu tornaran

A la font de Nimes

I a un ametlier

Que fai de flors blanchas

Au mes de genier

Se quelas flors blanchas

Eran d’ametlas

Culhiriá d’ametlas

Per ieu mai per vos

· Que ne’n son bèstias los òmes

Que ne’n son bèstias los òmes

Que se laissan far per los medias

Ieu sei ben coma los autres

Mas pense ben çò que vòle

Lo matin quand ieu me leve

Me comanda lèu la radio

D’anar lèu escotar sa messa

E vistament de la barrar

Lo matin quand ieu me leve

Me comanda lèu la tele

D’anar lèu avisar sa messa

E vistament de la barrar

Lo matin quand ieu me leve

Me comanda lèu lo jornau

D’anar lèu ben legir sa messa

E vistament de la barrar

Lo matin quand ieu me leve

Me comanda lèu lo gorós

D’anar lèu integrar sa messa

E vistament de la barrar

· Molt desir l’aura dolçana (son : masurca de Joan Lamora)

Molt desir l’aura dolçana

Lanquand vei los albres florits

E aug’d’ausels grands e petits

Lor chants per vergiers e per plais

E quilh d’amor a enveja

Si’n aquel temps non se pleja

Non volh son long respièch mi don’

Tot Amor tenc per trefana

Quand bon amic l’es demesit

S’ilh es falsa ni trichairit

Mentre quilh es fin e verai

S’al prim començat vaireja

A l’autre torn si sordeja

Puei pren l’aval e laissa lo bon

Non dic mal d’amor certana

Mas membrar vuelh los amairitz

Que’l cortes non si escarnit

Ni l’amor no’s torn en biais

Que puei l’uns l’autre guerreja

Tot lo plus savi foleja

Puei l’amor non vai de rason

Una gens es soteirana

Dont no’s cela druts ni marits

Richs malvats, de pretz apostits

Qu’uns non a joi ni conort mai

Quilh l’autrui afar gabeja

La nuech que’l front li torneja

Amb lo vin en l’autrui maison

Mas de mensonja s’apana

Non sai qual s’el plus aveusit

De lauvengiers lenga forbits

O cels que creson dich savais

Plus qu’al joc de la correja

Non sai sobre qu’al s’esteja

Lo mager fai de menspreson

Un joi me refresch’e’m sana

Mas no’m fon dat ni no’n sai fit

Pero, quilh que sia convit

Ieu n’estauc alegre e gai

E soi cel qu’en van domneja

E non baisa ni maneja

E mentas gens si’n fan lor pron

S’aquest joi flurit e grana

Jamai non dei esser marit

Car sobre tot m’es abelit

E non tành sia brun ni bais

Que dins lo còr meu, blanqueja

Tant qu’ieu’n crei que senhoreja

Sobretot los autres que son

Cel de Tintinhac se merceja

Ves si Domn’a quilh s’autreja

Qu’auj’e entenda la rason

· Gelosia

T’an pas dich, t’an pas dich

Que la miá pichona

Se'n es 'nada a la font

La luna l’i banhava

Me disset, lo grilhet

Se son calinhadas

E lo cèu emb l’ausèu

Tots dos l'avisavan

"Espera un pauc jovenet

Lo rover e lo jai

M’an dich qu’a la tauva

En tu prener d’aiga

A tirat sa baga

E la luna l’esclairet d’un rai…

Malurós malurós que ses

Que la gelosiá

Te farà te farà morir

De sa malàudia

Virarà que seràs fòu de sa folia !

Trop petiòt trop petiòt

Lo còr de la mia pichona

Cacha-fe gacha-fuec tot freg

E mai que virona

Que me fai se deman l’amor

M’abandona !…

Lo long dau riu, los conilhs

Fan lors festejadas

E ma mia l’i fuguet

A mieja-nuech picada

Me disset lo grilhet

Menava la dança

A l’estanh, l’estelam

Totas las miralhavan !

Espera un pauc que parlas

Desparlas de tot

Quò era una fauveta

En questa d’amor

Que virava un torn

E los conilhs li fasian la cort !

Au vargier d’aila bas

Viu la giroflada

E chaduna petala

Es la bocha d’una fada

4) ESCOTIÇAS

· L’immortala

Sabe un país e una flor

E una flor, e una flor

Que l'apelam la de l'amor

la de l'amor, la de l'amor

Òu Peiròt, vam chaminar, vam chaminar

De cap a l'immortala

Òu Peiròt, vam chaminar, vam chaminar

Lo país vam cerchar

Au som del pueg que i a 'na lutz

que i a 'na lutz, que i a 'na lutz

lai chau gardar los uelhs dessús

los uelhs dessús, los uelhs dessús

Nos chau trauchar tots los valats

tots los valats, tots los valats

Per s'ajudar, ren mas las mans

Ren mas las mans, ren mas las mans

Benleu veirem jamai la fin

jamai la fin, jamai la fin

La libertat quò es lo chamin

quò es lo chamin, quò es lo chamin

Apres lo plais, un autre plais

un autre plais, un autre plais

Apres la lutz, una autra lutz

una autra lutz, una autra lutz

· Dins la nòstra escòla

Dins la nòstra escòla

I a de l’occitan pitiòta

Dins la nòstra escòla

I a de l’occitan

I a de l’occitan de l’occitan

Per las drollettas

I a de l’occitan de l’occitan

Per los drollets

Sauta d’ en pès drolleta sauta d’en pès

Prenias pas vergonha de parlar la lenga

Sauta d’ en pès drolleta sauta d’en pès

Prenias pas vergonha de te tener drech

Lo pitit ministre

Vòu nos barrar lo bec

La Marisson l’agacha

Ditz que a lo drech

Qu’un m’empaicharà

De la parlar aquella lenga

Qu’un m’empaicharà

De la parlar de l’ensenhar

· Quand la Marion vai au molin

Quand la Marion vai au molin

Tot en fialar son conolh de brin

Ne’n tochava son ase e pon patàpon

Ne’n tochava son ase la bela Marion

E dau temps que lo blat moldiá

Lo molinier la brandissiá

Lo lop minjava l’ase

Ò molinier tu me fas tòrt

Tu m’embrassas e mon ase es mòrt

Ente trobar ‘n’autre ase

E Marion puras pas tant

Ne’n trobarem un autre atertant

Ne’n ‘chaptarem un autre

Quand son paire l’a vist venir

Jos son bonet ne’n risiá ben

Aitau es pas nòstre ase

Nòstre ase aviá los quatre pès blancs

Los dos darriers e los dos de davant

Lo bot de la coa negre

Coneisses ren fotut lordaud

Au mes de mai l’ase chamnha de piau

Aitau a fach nòstre ase

· Lo Peire se vòu maridar

Lo Peire se vòu maridar

Un jorn divendres un jorn divendres

Lo Peire se vòu maridar

Un jorn divendres per pas far gras

La trufa e lo pè fricasssat

E la bolhida e la bolhida

La trufa e lo pè fricasssat

E la bolhida

Li mancaren pas

Ieu l’ame e l’amerai totjorn

Quela Mariana quela Mariana

Ieu l’ame e l’amerai totjorn

Quela Mariana l’amerai totjorn

Ieu l’ame e l’amerai totjorn

La genta dròlla la genta dròlla

Ieu l’ame e l’amerai totjorn

La genta dròlla

La nuech mai lo jorn

Ò ! Joana quand vos dançaretz

Tenetz vos drecha tenetz vos drecha

Ò ! Joana quand vos dançaretz

Tenetz vos drecha damenatz lo pè

Los òmes que vos fan dançar

Ne son pas vòstres ne son pas vòstres

Ne son pas vòstre ne son pas vòstre

Los òmes que vos fan dançar

Ne son pas vòstres

Los chau menatjar

· L’autre jorn còsta una via (son : La menarem piucela)

L’autre jorn còst’una via

Auvi chantar un pastor

Una chançon que disia

“Mòrt m’an semblants traidors !”

E quand el vitz que venia

Salh’en pes per far m’onor

E ditz “Dieu salv’mon senhor

Qu’aur’ai trobat sens bausia

Leial amic celador

A qui m’aus’clamar d’Amor”

E quand ieu vei qu’el volia

Far de s’amia clamor

Ieu li dis’vans que plus dia

Que sofr’en patz sa dolor

Qu’ieu l’am’e ges non voldriá

Fases de son mal pejor

Per dich de lauvenjador

Qui ben ama ben chastia

E qui conòrta folor

Vòl qu’om la facha major

E’l pastre que’l mal sentia

Tornet son chantar en plor

E ditz : “Molt ai grand feunia

Car vos aug’chastiador

Vos que dich avetz mant dia

Mal de dòmnas e d’amor

Perqu’ieu sei en grand error

Aur’sai que ver’ditz Maria

Quand ilh’ditz que chantadors

Son leugiers e chamnhadors

“Aur’aujatz tan grand feunia

Fi’m ieu, d’aquest parlador

Que quand ieu’lh mostrei la via

D’esser franc e sofridor

M’apelet de leugeria

Mas ieu sei sofrir aur

Tant que quand prenc desonor

Dic que servit zo aviá

E apeli’m pechador

Ont tot lo pechat es lor”

Amb tant vitz venir s’amia

Lo pastre de culhir flors

E viratz li tota via

Chamnhar paraul’e color

“Bela, si anc jorn fos mia

Sens part d’autre prejador

Aur no’os quier’autra richor

Mas del tòrt qu’ieu vos avia

Fatz na cuida d’amador

Trò que la’m fasatz major

Ela respond’al pastor

Qu’ela es sa leial’amia

E fera’lh semblant d’amor

Si non li fos per paur

E ieu qu’era sol amb lor

Quand vi qu’enueg lor fasia

Laissei’lei a l’amador

Parti’m d’els e tenc’alhor

· Dansatz pas mai

Dansatz pas mai jòunas dròllas amorosas

Dansatz pas mai lo govern lo defend

E perque pas zo dansarai pas

Quò es aitau qu’es la lenga de ma maire

E perque pas zo dançarai pas

Que dançarem per la libertat

Parlatz pas mai jòunas dròllas amorosas

Dansatz pas mai lo regent lo defend

E perque pas zo parlarai pas

Quò es aitau qu’es la lenga de ma maire

E perque pas zo parlarai pas

Que dançarem per la libertat

Pensatz pas mai jòunas dròllas amorosas

Pensatz pas mai lo gorós lo defend

E perque pas zo pensarai pas

Quò es aitau qu’es la lenga de ma maire

E perque pas zo pensarai pas

Que dançarem per la libertat

· A ton cuenh

A ton cuenh as un riban blanc

Blanc coma nevia au solelh levant

Bela fialaira bela fialaira

Que fiala dau matin au ser

Dija perque

Vira fuseu vira vira

Dau matin au ser vira vira

Que chau una pelha per ‘bilhar

La mainada que van baptiar

A ton cuenh i a un riban blu

Blu coma la flor de lin madur…

Que li chau per se maridar

Una chamisa nòva a se botar

A ton cuenh i a un riban rotge

Rotge coma l’auba quand n’ i a ploja…

Que li chaudrà quand purarà

Un mochador per s’eissujar

A ton cuenh i a un riban negre

Negre enquera mai qu’un tròç de peja…

Quem li chaudrà quand morirà

Un linçòu per l’entarrar

· Nòstra pola blancha n’aviá un bec

Nòstra pola blancha n'aviá un bec

Lo reinard lo li voliá per ne'n far n'estuflet

Cancarineta, jali-jalineta

Chareta a Nadau
Per la Carnavau

Nòstra pola blancha n'aviá n'alas

Lo reinard las li voliá per mielh pusser volar

Nòstra pola blancha n'aviá ‘nas pautas

Lo reinard la li voliá per mielh pusser gratar

Nòstra pola blancha n'aviá ‘na coa

Lo reinard la li voliá per ne'n far n’escoba

5) ESCOTIÇA-VALSA

· A la poncha d’un suqueton

A la poncha d’un suqueton

La bela garda sos motons

Elai s’es endurmida

Bela vos endurmetz pas

La terra n’es umida

Anatz vos ne’n a la maison

Vos trobaretz los amoros

Siajatz sav’e prudenta

E dijatz pas totjorn òc-ben

Coma un tròç d’einocenta

Quand seretz per vos maridar

Que lo maridatge vos taina pas

Non non vos pressatz gaire

Lo bonhor que li trobaretz

Vos durarà pas gaire

Ne podetz pus anar en luec

Mas dins lo caire de vòstre fuec

O ben chas vòstra maire

Mas tot los còp que lai ‘niretz

Diran demoratz gaire

Au bot de set uech o nòu mes

Garçon o filha vos n’auretz

L’enfant sera cridaire

Tota la nuech lo bressaretz

Mas durmiretz pas gaire

Au bot d’un an o de dos ans

Aquel enfant se farà grand

Sonarà paire e maire

E vos damandarà dei pan

Mas belèu n’auretz gaire

Au bot de quatre o de cinq ans

Paubra filha puraretz tant

Seretz tota passada

Adonc donariatz tant e tant

D’esser pas maridada

· Quò es lo chat ambe lo rat

Quò es lo chat ambe la rata

Quò es la rata ambe sa coa

Aqueus quilhs dos que fan tan ben la dança

Aqueus quilhs dos que fan tat ben lo torn

6) BORRÉIA DRECHA

· Los peissons aman l’aiga

Los peissons aman l'aiga

Las taupas los prats, Laderà

Los peisson aman l'aiga

Las taupas los prats

Son coma las dròllas

Aimon los goiats, Laderà

Son coma las dròllas

Aimon los goiats

Passant vers la ribeira

Tot escarbilhat, Laderà

Passant vers la ribeira

Tot escarbilhat

Tròbe la monièra

Per se calinhar, Laderà

Tròbe la monièra

Per se calinhar

Lo goiat es gente

Fai bon l'embrassar, Laderà

Lo goiat es gente

Fai bon l'embrassar

Ardi ! brave dròlle

Ati chau dançar, laderà

Ardi ! brave dròlle

Ati chau dançar

· Per la chantar

Per la chantar

Viva las Lemoisnas

Per la dançar

Viva los Auvernhats

Per la chantar per la dançar

dins la montanha

La parlarem la lenga dau país

· L’auselon que ieu m’agrada

L’auselon que mai m'agrada

Quó es lo rossinholet

Lo matin a sa levada

Ne’n fai petar son bec

Chanta dins los buissons

Coratge mon garçon

Lo matin jos la fenestra

Quand m’entendon chantar

Los vielhs gialos se fachon

Qu’aquó pót ben lor far

Aquó lor fai pas ren

Que beuriá quand ai set

Qu’es aquò que me consòla

Quò es lo rossinholet

Tota la nuech me chanta

Ne’n fai petar lo bec

Coratge companhon

Ses dins mon bradasson

Coratge cambarada

Vendrà lo mes de mai

Beurem la tassa rasa

Nos pintarem jamai

Que jamai lo bon vin

N’a donat lo gensi

· Aitau copan la lana

Aitau tondan la lana la lana la lana la lana

La tonden d’aquela faiçon

La lana blancha daus motons

lavan, escharpissan, chardan, fialan, tenchissen, desbòtjan,

malhan, teissan, ordissen, copan, cosen, pòrtan

· Quò es lo mestre que me gronda

Quò es lo mestre que me gronda

Quand me’n vau au dançadis

Se maraunha que maraunhe

Que pòt pas me’n empaichar

E fai petar la fringamarciala

Dançarem en occitan

Ses un tròç de passadista

Que vòu pas parlar ponchut

Lenga de la republica

E mai de la reiautat

Un jorn disse a la baboiá

Parlarai en occitan

N’i a pron d’esser monolingue

Ardi la diversitat

· Darrier chas nos

Darrier chas nos se leva una montanha

Los amoros l’i aneren totjorn

Los amoros l’i aneren dondèna

Los amoros l’i aneren totjorn

Sus quela montanha lo rossinhòu l’i chanta

Chanta la nuech la nuech e mai lo jorn

Ditz lo rossinhòu dins sos polit langatge

Ont es passat lo temps daus trobadors

Non de segur s’es pas d’enquera plantada

La chantarem la lenga de l’amor

7) RONDA

· Çò disset la sensilha

Çò disset la sensilha

Ieu maride ma filha

Çò disset lo pinçon

Ieu serai son espos

E rigondà laridà

E rigondèna

Çò disset la fauvèta

Ilhs faran bona festa

Çò disset lo miaulard

Ieu fornirai lo lard

Çò disset lo lauriòu

Ieu fornirai los iòus

Çò disset la lauvèta

Ieu farai la molèta

Çò disset la perdis

Ieu fornirai lo vin

Çò disset la triá

Ieu fornirai lo pan

Çò disset lo jai

Ieu los maridarai

Çò disset l’ajaça

Ieu dansarai la valsa

Çò disset lo merla

Farai lo chabretaire

Çò disset lo chavan

Ieu ucharai davant

Çò disset l’irondela

Ieu tendrai la chandela

Çò disset l’esmochet

Ieu prestarai mon liech

Disset lo rossinhòu

Prestarai mon linçòu

Çò disset l’estorneu

Baissarai lo rideu

Çò disset la peput

Ieu fornirai lo grun

Çò disset lo cocut

L’i vese mas dau blu

· Me sei mesa en dança

Me sei mesa en dança entre dos galants ma mia

Me sei mesa en dança entre dos galants

Lo que mai m’aimava m’a sarrat la man ma mia

Lo que mai m’aimava m’a sarrat la man

Lo que mai m’aimava m’a sarrat la man ma mia

Lo que mai m’aimavava m’a sarrat la man

Galant se m’aimavas coma fas semblant ma mia

Galant se m’aimavas coma fas semblant

Galant se m’aimavas coma fas semblant ma mia

Galant se m’aimavas coma fas semblant

Te fariá libreiar de quauques ribans ma mia

Te fariá libreiar de quauques ribans

Te fariá libreiar de quauques ribans ma mia

Te fariá libreiar de quauques ribans

Los te chaudrà metre mas tres còps per ans ma mia

Los te chaudrà metre mas tres còps per an

Los te chaudrà metre mas tres còps per ans ma mia

Los te chaudrà metre mas tres còps per an

Un per Pendagosta l’autre per Sent Joan ma mia

Un per Pendagosta l’autre per Sent Joan

Un per Pendagosta l’autre per Sent Joan ma mia

Un per Pendagosta l’autre per Sent Joan

L’autre a nòstras noças bela quand siram ma mia

L’autre a nòstras noças bela quand siram

L’autre a nòstras noças bela quand siràn ma mia

L’autre a nòstras noças bela quand siràn

Galant mas nocetas ne son pas d’ujan ma mia

Galant ma noceta ne son pas d’ujan

· A l'entrada del temps clar

A l'entrada del temps clar, e, i, a

Per joia recomençar, e, i, a

E per gelos irritar, e, i, a

Vòl la regina mostrar

Qu'ela es tant amorosa

A la via, a la via, gelós

Laissatz-nos, laissatz-nos

Balar entre nos, entre nos

Ela a fach pertot mandar, e, i, a

Non siá jusqu'à la mar, e, i, a

Piucela ni bachelar, e, i, a

Que tots non vengan dançar

En la dança joiosa

Lo rei i ven d'autra part, e, i, a

Per la dança destorbar, e, i, a

Que el es en crementar, e, i, a

Que òm non li vòlhe emblar

La regina abrilhosa

Mas per nient lo vòl far, e, i, a

Que ela n'a sonh d'un vielhard, e, i, a

Mas d'un leugier bachalar, e, i, a

Que ben sapcha solaçar

La dòmna saborosa

Qui donc la veses' dançar, e, i, a

E son gent còrs deportar, e, i, a

Ben pogrà dir' de vertat, e, i, a

Que al mond non aja sa par'

La regina joiosa

· N’i a gaire qu’ai auvit

N'i a gaire qu'ai auvit

Tres angels que chantavan (bis)

Chantavan qu'era nuech

'Viron la mieja-nuech

Que la vierja enfantava

Chantavan qu'un enfant

Per nos tirar de pena

Nos vai tot perdonar

E mai nos vai donar

Paradis per estrena

Ne'n fuguei tot ravit

E zo voliá pas creire

Ne'n quitei mon bestial

De dins mon pastural

Lo quitei, z'anei veire

Lo cercherem pertot

D'un ostal a d'un autre

Mas lo trobàvem pas

N'eran fòrt estonats

Aviam perdut coratge

Davale un pauc pus bas

Trobei un vielh estable

Aquí trobei tots dos

La Vierja e l'enfanton

Tot dos ben miserables

Ieu tirei mon manteu

Sailei la Senta Vierja

Ieu los sailei tot dos

La maire e l'enfanton

Qu'eran tant miserables

Dau temps que fasiá quò

Tres estrangiers rentreron

Rentreron tots d'a reng

Tot charjats de presents

E tots tres l'adoreron

Un portava de l'aur

E l'autre de la mira

E l'autre de l'encens

Prenon congier daus Sents

E puei se n'en torneron

N'aviá ben pres plaser

De veire lors caressas

Qu'aquilhs tres reis fasián

A l'enfant qu'era Dieu

Tota la nuech sens cessa

Mon Dieu que setz vengut

Per nosautres sus terra

Balhatz nos la santat

Per poder ben trotar

Tot lo monde l'espera

8) POLECA

· Per dançar la poleca

Per dançar la poleca

Chau aver la chamba fina

Per dançar la poleca

Chau saber marcar lo pas

A de gue damenatz lai vos

Lai somblatz la barra la barra

A de gue damenatz lai vos

Lai somblatz la barra dei lop

· La poleca daus occitans

La polecà daus occitans

Tot lo monde tot lo monde

La polecà daus occitans

Tot lo monde la sap ben far

Per ben dançar la polecà

Chau aver la chamba fina

Per ben dançar la polecà

Chau saber gardar lo pas

Lo Joanton mai la Franchon

Son vengut a la velhada

Lo Joanton mai la Franchon

Son vengut emb lor cangon

Fan tan ben la polecà

E an ben la chamba fina

Fan tan ben la polecà

La polecà daus occitans

· Quand lo merle sauta au prat

Quand lo merle sauta au prat

Leva la coeta leva la coeta

Quand lo merle sauta au prat

Leva la coeta baissa lo nas

Quanq lo novi sauta au prat

Quita la vesta

Baissa lo nas

Quand la nòvi sauta au prat

Quita la rauba

Escarta lo bras

Quand se troban totas dos

Quita la vesta quita la rauba

Aquí se manjan de potons

· Som Som

Som som vene vene vene

Som som vene vene donc

Lo som som vau pas venir

Lo pitiot vau pas durmir

Ne’n troba pas lo chamin

Nai nai som som

Duerm duerm mon pitit

Lo som som es aribat

A chavau sus una çhabra

Tornarà deman matin

A chavau sus un chabrit

La mama es dins lo canton

Que fai cuere lo milhasson

Lo papa a un auseu

Sus la poncha d’un coteu

9) SAUTIÈRA

· Ta maison s’esbòlha dau pè

La maison s’esbòlha dau pè

La maison s’esbòlha

A a zo farà pas

Si s’esbòlha que s’esbòlhe

A a zo fará pas

Los maçons son comandats

· Filhas nos ne’n chau ‘nar

Filhas nos ne’n chau ‘nar laderà

Filhas nos ne’n chau ‘nar

Quò es la granda velhada òc-ben

Quò es la granda velhada

Quò es la granda velhada òc-ben

Filhas nos ne’n chau ‘nar

Velhada ne’n ai pas laderà

Ai pas fach ma fialada

De sèt conilhs qu’ai pres laderà

Ne’n ai mas fialat quatre

Ente passem filhas laderà

Per los bòscs per la prada

Vam passar per los bòscs laderà

La terra n’es tròp molhada

En passat per lo bòsc laderà

La Margui s’espinava

Levatz lo pè Margui laderà

Ne’n tirarem l’espina

L’espina que suert pas laderà

Ela es pas bonhada

Quand l’i agut los nòu mes laderà

L’espina n’es ben sautada

D’espina n’i a pas agut laderà

L’i a agut una fiera filha

· Barra en clau

Barra en clau lo talhor ta femna