Quand la mora es sus lo morier e Tòrne dau champ morant de fam
Doas ritantoinas
Quand la mora es sus lo morier
Veiqui la moscha per la ne'n tirar
Moscha ten mora
Paubra mora
Tu, sei perduda
Tornaras pus coijar sus ton paubre morier
Veiquí la moscha, la beca, lo burgaud, lo rat, lo chat, lo chen, lo lop, lo buòu, l'òme, la mòrt
Per la (lo) ne'n tirar
Moscha dins son moschenier
Beca (guèpe) dins son becatier
Burgaud (frelon) dins son burgaudier
Rat dins son ratonier
Chat dins son chatonier
Chen dins son chenier
Lop dins son lobier
Buòu dins son estable
Òme dins son liech
Mort ten òme, òme ten buòu, buòu ten lop, lop ten chen, chen ten chat, chat ten rat, rat ten burgaud, burgaud ten beca, beca ten moscha, moscha ten mora…
Paubra mora
Tu, sei perduda
Tornaras pus coijar sus ton paubre morier
Tòrne dau champ morant de fam
Me'n vau damandar un pauc de pan a la Dama
La Dama me ditz que l'i a pas de pan sens clau
Me'n vau damandar la clau au Monsur
Lo Monsur me ditz que l'i a pas de clau sens pluma
Me'n vau damandar la…
La pluma a la busa
Lo budeu au vedeu
Lo lach a la vacha
L'erba au prat
Lo dailh au faure
Lo lard au ganhon
L'agland au chassanh
Lo vent a la mar
La mar m'enventa, envente lo chassanh
Lo chassanh m'englanda, englande lo ganhon
Lo ganhon m'enlarda, enlarde lo faure
Lo faure m'endalha, endalhe lo prat
Lo prat m'enerba, enerbe la vacha
La vacha m'enlacha, enlache lo vedeu
Lo vedeu m'enbudela, embudele la busa
La busa m'empluma, emplume lo Monsur
Lo Monsur m'enclava, enclave la Dama
"Un pauc de pan, si os platz !"
Ivon